21 лютага ў бібліятэцы адбылася сустрэча з паэтэсай, пісьменніцай, рэжысёрам і сцэнарыстам,членам Саюза пісьменнікаў Беларусі – Алёнай Беланожка, якая жыве і працуе ў Магілёве. На мерапрыемстве прысутнічалі навучэнцы УА «Магілёўскі дзяржаўны тэхналагічны каледж».
Алёна Міхайлаўна Беланожка – аўтар апавесцей «Чамадан з кракадзілавай скуры», «Зорка Ракхігархі», «Месяц чакае гасцей», апавяданняў для моладзі і падлеткаў, празаічных і паэтычных зборнікаў і альманахаў.
Пад час сустрэчы пісьменніца прэзентавала сваю новую кнігу «Дзіця зямлі», надрукаваную выдавецкім домам «Звязда» у 2023 годзе. Гэта зборнік фантастычных апавяданняў, на старонках якога ўзнімаюцца філасофскія, маральныя, гуманістычныя пытанні.
На працягу часу ішла павольная размова аўтаркі з хлопцамі, якая тычылась не толькі яе творчасці, але і закранала розныя тэмы, цікавічыя прысутных.
Сустрэча пакінула пасля сябе прыемныя ўражанні і адчуванне дачынення да літаратурнай творчасці пісьменніцы.
Views: 34
