У рамках рэспубліканскага праекта «Кожная пятніца — роднае, сваё» супрацоўнікі бібліятэкі арганізавалі выязную выставу-прагляд «Чытайце беларускае!» ў кінатэатры «Космас». Мерапрыемства сабрала наведвальнікаў з школьнага лагера ДУА «Сярэдняя школа № 18 г. Магілёва».
Перад паказам мультфільмаў бібліятэкары пазнаёмілі дзяцей з сучаснымі мастацкімі творамі беларускіх аўтараў. Асаблівую цікавасць выклікала інтэрактыўная частка сустрэчы: школьнікі з запалам чыталі складаныя хуткамоўкі, спаборнічалі ў хуткасці і правільнасці вымаўлення, а таксама наперабой адгадвалі хітрыя загадкі.
Такі фармат дазволіў сумясціць прыемны адпачынак з карысным знаёмствам з родным словам.
Views: 16
